له پیښو سره د مبارزې امادګۍ ملي ادارې سرپرست د افغان ماشومانو لپاره د المان مرستو مؤسیسې د راغلي پلاوي سره وکتل
نن ورځ دو شنبه له پیښو سره دمبارزې امادګۍ ملې ادارې سرپرست الحاج ملا نورالدین ترابي د ننګرهار ولایت له پېښو سره د مبارزې آمادګۍ رئیس مولوي سیف الله خالد د افغان ماشومانو لپاره د المان مرستو مؤسیسې د رئیس حاجي محمد حلیم او معاون مصطفی خان سره په خپل کاري دفتر کي وکتل.
ترابي صاحب د یادي مؤسیسې راغلي پلاوي ته د ښه راغلاست ترڅنګ وویل چي خوښ یو چي مؤسیسات د اولس لپاره دبهر هیوادونو څخه مرستي راټولوي او پر مستحقو کسانو یی ویشي او ددې مؤسیسې د ټول کاري ټیم څخه یی مننه وکړه چي په سختو شرایطو کي زموږ دزوریدلي اولس سره همکاري کوي.
او زیاته یې کړل چي دټولو مؤسیساتو او سازمانونو څخه مو غوښتنه داده چي د طبعي او غیري طبعي پیښو زیانمنو کورنیو سره پوره همکاري وکړي.
د افغان ماشومانو لپاره د المان مرستو مؤسیسې رئیس حاجي محمد حلیم وویل غواړو چي افغان اولس ته دبیلابیلو لارو څخه مرستي برابري کړو او پر مستحقو کسانو یی وویشو.
همداراز یی وویل چي ددې اونۍ تر پایه به په کابل ولایت کي ۲۰۰ زیانمنو کورنیو خوراکي او غیر خوراکي مرستي ویشل کیږي چي هري کورنۍ ته ۵۰ کیلو وړه،۱۰ کیلو ورجي، ۱۰ لیتره غوړي، ۵ کیلو لوبیا، ۵ کیلو بوره، نیم کیلو شین چاوي، ۳۵ کیلو لرګي د بخارۍ لپاره،د ماشومانو لپاره ۱دانه جمپر، یوه جوړ کرمیچ او یوه جوړه جرابي ویشل کیږي.
نیټه: ۱۴۴۶/۸/۴ هــ ق
له پیښو سره د مبارزې امادګۍ ملي اداره
