د کندز ولایت له پېښو سره د مبارزې آمادګۍ ریاست ۴۰۶ زیانمنو کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د OHW موسسې ترمنځ د لاسلیک شوي هوکړه لیک له مخې, د کندز ولایت له پېښو سره د مبارزې آمادګۍ ریاست د یادې موسسې په مالي ملاتړ, په امام صاحب ولسوالۍ کې د وچکالۍ له امله ۴۰۶ زیانمنو کورنیو ته له سروې وروسته نغدي مرستې ووېشلې.
په دې لړۍ کې هرې کورنۍ ته د دویم قسط ۳,۰۰۲ افغانۍ ووېشل شوې او ټولټال ۱,۲۱۸,۸۱۲ (۱ میلیون, ۲۱۸ زره او ۸۱۲) افغانۍ د یاد شمېر کورنیو لپاره ځانګړې شوې وې.
د یادونې وړ ده چې, د دغو مرستو دوه نور پړاوونه به په راتلونکې کې د یاد شمېر کورنیو لپاره ترسره شي.
نیټه: ۱۴۴۶/۷/۲۵
له پېښو سره د مبارزې آمادګۍ ملي اداره
