د ننګرهار ولایت له پېښو سره د مبارزې آمادګۍ ریاست ۱٩٠ بېوزله کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د ژغورنې نړیوالې کمېټې (IRC) ترمنځ د لاسلیک شوي هوکړه لیک له مخې، د ننګرهار ولایت له پېښو سره د مبارزې آمادګۍ ریاست د یادې کمېټې په مالي ملاتړ، د دې ولایت په سره رود ولسوالۍ کې ۱٩٠ بېوزله کورنیو ته له سروې وروسته نغدي مرستې ووېشلې.
په دې لړۍ کې د مسؤلینو په شتون کې هرې کورنۍ ته د څلورم پړاو ۲,۸۰۰ افغانۍ د خوراکي توکو د پېرلو په موخه ووېشل شوې، چې ټولټال ٥٣٢,٠٠٠ افغانۍ د یاد شمېر کورنیو لپاره په پام کې نیول شوې وې.
د یادونې وړ ده، چې په راتلونکې کې د یادو اړمنو کورنیو لپاره د نورو مرستو پلان هم شتون لري.
نېټه: ۱۴۴۶/۷/۲۵
له پېښو سره د مبارزې آمادګۍ ملي اداره
