د بامیان ولایت له پېښو سره د مبارزې آمادګۍ ریاست ۱۱۰۰ زیانمنونکو کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د CWSA موسسې ترمنځ د لاسلیک شوي هوکړه لیک پربنسټ، یادې موسسې د بامیان ولایت له پېښو سره د مبارزې آمادګۍ ریاست سره په همغږۍ، په یکاولنګ ولسوالۍ کې ۱۱۰۰ زیانمنونکو کورنیو ته له سروې وروسته نغدي مرستې ووېشلې.
د مرستو د دویم قسط په دې لړۍ کې د مسؤلینو په شتون کې، هرې کورنۍ ته ۲,۹۴۹ افغانۍ ووېشل شوې چې ټولټال ۳,۲۴۳,۹۰۰ (۳ میلیونه، ۲۴۳ زره او ۹۰۰) افغانۍ د یاد شمېر کورنیو لپاره ځانګړې شوې وې.
د یادونې ده چې دا مرستې به د یاد شمېر کورنیو لپاره تر راتلونکو درېیو نورو میاشتو هم دوام ومومي.
نېټه: ۱۴۴۶/٧/٢١
له پېښو سره د مبارزې آمادګۍ ملي اداره
