د بامیان ولایت له پېښو سره د مبارزې آمادګۍ ریاست ۱۱۰۰مستحقو کورنیو ته نغدي مرستې ووېشلې
د بامیان ولایت له پېښو سره د مبارزې آمادګۍ ریاست په آسیا کې د نړۍ د ټولنیزو خدمتونو موسسې (CWSA) په ملاتړ، په تېرو دوو ورځو کې په یکاولنګ ولسوالۍ کې ۱۱۰۰ زیانمنو او اړمنو کورنیو ته ژمني نغدي مرستې ووېشلې.
دا مرستې چې د لومړي پړاو په توګه ووېشل شوې، له پیښو سره د مبارزې آمادګۍ ملي ادارې او د CWSA موسسې ترمنځ د تفاهم نامې له مخې ترسره شوې. چې د هرې کورنۍ لپاره ۲۸۰۴ افغانۍ په پام کې نیول شوې وې او ټولټال ۳،۰۸۴،۴۰۰ (۳ میلیونه ۸۴ زره او ۴۰۰) افغانۍ یاد شمېر کورنیو ته ووېشل شوې.
د یادونې وړ ده چې دا کورنۍ به د راتلونکو څلورو نورو میاشتو لپاره هم د یادې موسسې د ژمني نغدي مرستو څخه برخه منې شي.
نېټه:۱۴۴۶/۶/۲۴
له پېښو سره د مبارزې آمادګۍ ملي اداره
