نن ورځ یک شنبه دپیښو سره دمبارزې امادګۍ ملي ادارې سرپرست الحاج ملانورالدین ترابي او کورډیډ مؤسیسې رئیس سید عبدالطیف بشر دوست او د اړیکو مسؤل منصور ابراهیم خیل سره په خپل کاري د فتر کي وکتل.
ترابي صاحب راغلي پلاوي ته ښه راغلاست ووایه او زیاته یې کړل چي موږ غواړو چي په افغانستان کي مؤسیسې افغانانو ته اساسي کارونه وکړي او دفقر او بي وزلۍ څخه یی وژغوري.
همداراز یې زیاته کړل چي موږ تل د مؤسیسو کارونه پر وخت ور خلاصوو او مؤسیسو ته یی هم وویل چي باید ژر تر ژره خپل مرستي اړمنو او مستحقو کورنیو ته ورسوي.
د کورډایډ مؤسیسې رئیس سید عبدالطیف منصور وویل چي یاده مؤسیسه د افغانستان په ډیرو ولایتونو کي فعالیت کوي او تر دا مهاله یې افغان اولسونو ته بیلابیل خدمتونه وړاندي کړي دي او دوام لري.
دیادوني وړ ده چي ۲۶۹۴۹۵ ډالرو په ارزښت د ننګرهار ولایت په ګوشتې ولسوالۍ کې د ۱۳۲۰ وچکالۍ ځپلو کورنیو او مهاجرینو سره نغدي مرسته کوي چې هرې کورنۍ ته به ۱۶۰ امریکايي ډالره یا د هغه معادل افغانۍ په ۴ قسطونه کی د ۴ میاشتو په جریان کې ورکړل شي چي هر قسط ۴۰ امریکایی ډالره وي.
نیټه: ۱۴۴۶/۵/۲۲ هــ ق
له پیښو سره دمبارزې امادګۍ ملي اداره
