له پېښو سره د مبارزې آمادګۍ ملي ادارې او د هیلوټرست THT نړیوالې مؤسسې ترمنځ د ګډو همکاریو تفاهمنامه لاسلیک سوه
نن ورځ یک شنبه, له غرمې مخکې له پېښو سره د مبارزې آمادګۍ ملي ادارې سرپرست محترم الحاج ملا نورالدین ترابي په خپل کاري دفتر کې د هیلوټرسټ نړیوالې مؤسسې د رئیس ډاکتر احمد فرید همایون او د اړیکو مسؤل الهام الله مصطفی سره وکتل.
ترابي صاحب په خپلو خبرو کې د هیلوټرسټ نړیوالې مؤسسې راغلي پلاوي ته ښه راغلاست ووېل او زیاته یې کړه, چې ماینونه او ناچاودي توکي د خلکو لپاره یو ستر ګواښ دی چې په دې اړه خلکو ته باید عامه پوهاوۍ ورکړل سي او ماینونه په خوندي توګه له منځه یوړل سي.
وروسته د هیلوټرسټ نړیوالې مؤسسې رئیس ډاکتر احمد فرید همایون له ترابي صاحب څخه ځانګړې مننه وکړه, چې وخت یې ورکړ او زیاته یې کړه چې یادې ادارې تل زموږ سره همکاري کړې ده او موږ هم تل کوښښ کوو چې خلکو ته عامه پوهاوۍ ورکړو ترڅو له چاودېدونکو توکو څخه خوندي پاته سي.
د یادونې وړ ده چې د ۱۶۸۵۶۳۳ یو میلیون شپږ لکه ۵ اتیا زره شپږ سوه درې دېرش ډالرو په ارزښت به یاده مؤسسه په زابل، ارزګان، هلمند، غور، فاریاب او بدخشان ولایتونو کي ۷۰۰۰۰۸۶ اووه میلیونه او شپږ اتیا متره مربع ککړې سیمې له ماینونو او ناچاوده توکو څخه پاکي کړي او ۵۲۸۰۰ کسانو ته به عامه پوهاوۍ هم ورکړل سي.
نیټه: ۱۴۴۶/۵/۱۵ هـ ق
له پیښو سره دمبارزې اماده ګۍ ملي اداره
