له پیښو سره د مبارزې آمادګۍ سرپرست د هنډیکپ نړیوالي مؤسیسې له عملیاتي مسؤل سره وکتل
تیره ورڅ له پیښو سره د مبارزې آمادګۍ سرپرست الحاج ملا نورالدین ترابي د هنډیکپ مؤسیسې د عملیاتي مسؤل یوبان مالا او د د اړیکو مسؤل حبیب الرحمن ابراهیمي سره په خپل کاري دفتر کي وکتل.
ترابي صاحب له هرڅه مخکي دیادي مؤسیسې راغلي پلاوي ته ښه راغلاست ووایه او مننه ځیني وکړه چي تل زموږ سره همکاره پاته شوي دي او راغلي پلاوي ته یې د هرډول همکارۍ ډاډ ورکړ.
همداراز ترابي صاحب زیاته کړل چي موږ خوښ یو چي تیر ځل مو ددې ادارې مواد چي ګاونډي هیواد مرسته کړي وه په خپلو ګدامو کي راته خوندي کړل.
دهنډیکپ مؤسیسې عملیاتي مسؤل یوبان مالا دیادي ادارې دسرپرست څخه ځانګړي مننه وکړه او وویل چي دې ادارې تل زموږ سره همکاري کړي ده او موږ به تل هغه خدمات چي زموږ په واک وي ونه دریغوو.
همدارنګه یې زیاته کړل چي د هرات په زون کي موږ عصري ګډامونه لرو او له پیښو سره د مبارزې آمادګۍ ملي ادارې مواد او توکي به په وړیا او خوندي توګه وساتو.
نیټه: ۱۴۴۶/۵/۱۰ هــ ق
له پیښو سره د مبارزې آمادګۍ ملي اداره
