له پېښو سره د مبارزې آمادګۍ ملي ادارې سرپرست د کابل ښار په دوو ځایونو کې د ۱۰۰۰ زیانمنو کورنیو لپاره د خوراکي او غیرخوراکي مرستو د وېش بهیر پیل کړ
نن ورځ د سه شنبې سهار، له پېښو سره د مبارزې آمادګۍ ملي ادارې سرپرست الحاج ملا نورالدین ترابي، د کابل ښار په دوو جلا ځایونو حبیبیه لیسې او د دې ادارې په مرکزي ګدامونو کې د ۱۰۰۰ زیانمنو کورنیو لپاره د خوراکي او غیرخوراکي مرستو د وېش بهیر پیل کړ.
په دې مراسمو کې چې د قرآن عظیم الشان په څو مبارکو آیتونو سره پیل شول، د ادارې سرپرست محترم ترابي صاحب، د اطلاعاتو او عامه اړیکو رئیس محترم ملا جانان سائق ، د کابل ولایت له پېښو سره د مبارزې آمادګۍ رئیس محترم مولوي نجیب الله انوري، د ملک سلمان بشردوستانه مرکز استازی محترم فضل الله صاحب، د ORCD Global موسسې استازي او خبریالانو ګډون درلود. محترم ترابي صاحب د ملک سلمان بشردوستانه مرکز څخه مننه وکړه او ویې ویل چې دې مرکز پخوا هم د افغانستان له خلکو سره ډېرې مرستې کړې دي. او اوس هم د هېواد په ۱۳ ولایتونو کې، د ۱۳۰,۰۰۰۰ ډالرو په ارزښت، نږدې ۵۰۰۰ راشنه د غیر خوراکی موادو چې هر راشن عبارت دی له یوباب خیمه، یو تخته فرش، پنځه تختې کمپلې او یو د لوښو چی د بخار دیګ په شمول۲۱ قلمه د آشپزي سامان پکښی کی دی او هر راشن د۲۵۰ دالرو په ارزښت قیمت لری، د زیانمنو کورنیو لپاره برابر شوي دی چې له دې جملې څخه ۵۰۰ راشنه د کابل ولایت زیانمنو کورنیو لپاره ځانګړې شوې دي او نن یې وېش پیل شو.
ورپسې، د ORCD Global موسسې استازي انجنیر متین، د مرستو د وېش بهیر په اړه خبرې وکړې او د دې ادارې له همکارۍ څخه یې قدرداني وکړه.
په دویم پړاو کې، د ادارې سرپرست د مرکزي ګودامونو ځای ته ولاړ او د بیړنیو حالاتو د عملیاتو مرکز رئیس له محترم قاري محمد خوشحال زماني سره یو ځای یې ۵۰۰ نورو کورنیو ته د مرستو وېش پیل کړ. نوموړي په دې بهیر کې له زیانمنو سره خواخوږي وښوده او هری کورنی ته یې ۵۰ کیلو اوړه، ۲۵ کیلو وریجې، یوه توشکه، یوبالښت او یوه رجایي وویشله. او دا د مرستو د وېش بهیر به په مرکز او ولایتونو کې دوام لري.
د یادونې وړ ده چې د مرستو ترلاسه کوونکو له پېښو سره د مبارزې آمادګۍ ملي ادارې څخه مننه وکړه، خو دغه مرستې یې کافي ونه ګڼلې او د لا ډېرو مرستو غوښتنه یې وکړه.
۱۴۴۶/۵/۱۰
له پېښو سره د مبارزې آمادګۍ ملي اداره
