د پېښو له امله ۲۰۰ زیانمنې کورنۍ په نیمروز ولایت کې له نغدي مرستو برخه منې شوې
د ډنمارک کمېټې د نیمروز ولایت له پېښو سره د مبارزې آمادګۍ ریاست په همکارۍ، د یاد ولایت مرکز زرنج ښار او کنګ ولسوالۍ اړوند ۲۰۰ کورنیو ته چې د اورلګېدنې او طبیعي پېښو له امله زیانمنې شوې وې، نغدي مرستې ووېشلې.
په دې لړۍ کې ۱۰۰ کورنیو ته په زرنج ښار او ۱۰۰ کورنیو ته په کنګ ولسوالۍ کې د ولایت مقام مرستیال، له پېښو سره د مبارزې آمادګۍ ریاست مشر او له پېښو سره د مبارزې ولایتي کمېسیون پلاوي په شتون کې هرې کورنۍ ته ۲۰ زره او ۹۰۰ افغانۍ ووېشل شوې.
د یاد ریاست مشر محترم الحاج مولوي محمد قاسم محمد ووېل چې، په دغه ولایت کې د موسسو په همکارۍ د پېښو له امله زیانمنو ته د خوراکي او غیرخوراکي مرستو رسولو لړۍ دوام لري.
۱۶/۴/۱۴۴۶
له پېښو سره د مبارزې آمادګۍ ملي اداره
