پېښو ته د رسېدو په چارو کې د دولت وزارت د مالي او اداري عمومي رییس د غور ولایت له والي سره وکتل
کابل- د وري ۱۳مه-۱۴۰۳
محترم الحاج مولوي عبدالرحمن زاهد، د وزارت مالي او اداري عمومي رییس او سرپرست له مولوي احمد شاه دین دوست د غور ولایت له والي سره د خپل کار په دفتر کې لیدنه او خبرې وکړې.
په دې لیدنه کې د غور ولایت والي د طبیعي پېښو له امله په دې ولایت کې د خلکو پر ستونزو خبرې وکړې او د طبیعي او غیرطبیعي پېښو له امله زیانمنو ته د رسېدنې او په راتلونکې کال کې د پېښو احتمالي خطرونو مخنیوي لپاره د وقایوي پروژو عملي کولو په برخه کې یې پېښو ته د رسېدو په چارو کې د دولت وزارت د پاملرنې غوښتنه وکړه.
ورته مهال محترم الحاج مولوي عبدالرحمن زاهد د وزارت مالي او اداري عمومي رییس او سرپرست ووېل: چې غور ولایت د طبیعي او غیرطبیعي پېښو پر وړاندې خورا زیانمن دی چې هر کال د دې ولایت خلکو ژوند یې له ګواښ سره مخ کړې.
نوموړي د غور ولایت والي ته د پېښو له امله زیانمنو او وقایوي پروژو پلي کولو په برخه کې د همکاري ژمنه ورکړه.
