په پکتیکا ولایت کې د ۲۳ میلیونه او ۶۰۶ زره او ۶۶۵ افغانیو په ارزښت د استنادي دیوالونو او سربندونو پروژه بشپړه شوه
پکتیکا- د سلواغې ۴مه-۱۴۰۱
د ملګرو ملتونو عالي کمیشنری (UNHCR) په مالي لګښت د آقاخان د هستوګنې موسسې د پکتیکا ولایت پېښو سره د مبارزې ریاست سره په همغږي، د یاد ولایت په برمل او ګیان ولسوالۍ کې د زلزله ځپلو سره د مرستې لپاره په یادو ولسوالیو کې د طبیعي پېښو د خطرونو د کمولو په پار د ۲۳ میلیونه او ۶۰۶ زره او ۶۶۵ افغانیو په ارزښت، د بېلابیلو جوړښتونو، استنادی دیوالونه، محافظوي دیوالونه (ګبیون) داوبو سربندونه، پلچکونه، د اوبو کوچنی بند، کانالونه، او د ترناب پروژه بشپړه کړه.
