پېښو ته د رسېدو په چارو کې د دولت وزارت د مالي او اداري نوی عمومي رییس معرفي شو
کابل- د لیندۍ ۱۶مه-۱۴۰۱
محترم مولوي عبدالرحمن، د محترم مولوي سیف الدین طایب د ا.ا.ا د چارو ادارې مرستیال لخوا د دغه وزارت د مالي او اداري عمومي رییس په توګه معرفي شو.
محترم مولوي سیف الدین طایب د ا.ا.ا د چارو ادارې مرستیال ووېل: په دغه ډول پستونو کې ګمارنه په حقیقت کې مسوولیت او خلکو ته خدمت کول دی او ټول مسوولین باید د خدای او خلکو پر وړاندې ځان مسوول وګڼي.
ورپسې محترم ملا محمد عباس آخند پېښو ته د رسېدو په چارو کې د دولت وزیر د حکومت په سیسټم کې ادلون بدلون یو اصل وباله، او د محترم غلام غوث ناصري د دې وزارت پخواني مالي او اداري عمومي رییس له فعالیتونو او کړنو څخه په مننې سره، محترم مولوي عبدالرحمن نوي ګمارل شوي مالي او اداري عمومي رییس ته د بریالیتوب هیله مندي څرګنده کړه او د ادارو ترمنځ د همغږي غوښتونکې شو.
وروسته محترم مولوي عبدالرحمن نوي ګمارل شوي مالي او اداري عمومي رییس د افغانستان اسلامي امارت له مشرتابه څخه د هغه د ګمارنې په پار په مننې سره ووېل چې زه د عمومي رییس په توګه نه، بلکه د هغوۍ اعتماد ساتلو لپاره د یو خدمت کونکي په توګه او همدارنګه د خطرونو کمولو او د پېښو له امله زیانمن شویو خلکو ته د رسېدنې په برخه کې د هراړخېزې همکارۍ ژمنه وکړه.
