پېښو ته د رسېدو په چارو کې د دولت وزارت د امام ابوحنیفه(رح) ملي او نړیوال نندارتون څخه لیدنه وکړه
کابل- د لیندۍ ۱۶مه-۱۴۰۱
د امام ابوحنیفه(رح) ملي او نړیوال نندارتون په اومه ورځ محترم الحاج ملا محمد عباس آخند پېښو ته د رسېدو په چارو کې د دولت وزیر د دغه نندارتون له هټیو څخه لیدنه وکړه.
پېښو ته د رسېدو په چارو کې د دولت وزیر، د دغه ستر نندارتون له رامنځته کولو او د خصوصي سکټور له پراخ ګډون څخه په مننې سره ووېل: د داخلي تولیداتو معرفي کولو، د هېواد اقتصادي ودې او پرمختګ لپاره د دغه ډول نندارتون ترسره کول اړین دې.
د یادونې وړ ده چې دغه نندارتون د خصوصي سکټور د تقویې او په دې برخه کې د پانګونې لپاره دی، چې له ۶۰۰ زیات داخلي و بهرنیو شرکتونو خپل محصولات نندارې ته وړاندې کړل او یاد نندارتون به د لیندۍ ۱۰مې څخه تر ۱۷مې دوام وکړي.
