د پېښو ته د رسېدو په چارو کې د دولت وزارت کارکونکو لپاره د حجاب په اړه د امیرالمومنین لخوا د امر به معروف او نهی عن المنکر وزارت تایید شوې طرحه ولوستل شوه
کابل- د غویي ۲۸مه-۱۴۰۱
د اسلامي امارت د امر به معروف او نهی عن المنکر وزارت استازو، تېره ورځ د حجاب په اړه د یاد وزارت طرحه چې د دولت زعیم محترم شیخ ملا هیبت الله آخندزاده لخوا تایید شوي وه، د پېښو ته د رسېدو په چارو کې د دولت وزارت کارکونکو ته ولوستله.
په یو پروګرام کې چې په همدې اړه ترسره شوي وه لومړۍ مولوي عبدالخالق عابد د وزارت د دعوت او ارشاد رییس د ذکر شوي وزارت استازو ته په ښه راغلاست سره وویل چې موږ د اسلامي شریعت د پلي کولو په برخه کې د هر ډول همکاري لپاره چمتو یو.
ورپسې مولوي محمد یحیی، د امر به معروف وزارت استازي وینا وکړه او د دغه وزارت کارکونکي یې په خپل کاري او کورني چاپیړیال کې د شریعت پلي کولو ته وهڅول.
هغه همدارنګه وویل چې قرآن کریم د مسلمان د اساسي قانون په توګه حجاب فرض کړۍ او ټول مسلمانان د هغه په مراعاتولو باندې مکلف دي .
په پای کې د حجاب تایید شوې طرحه د امر به معروف او نهي عن المنکر وزارت د استازي لخوا د دغه وزارت کارکونکو ته ولوستل شوه.
