د خوړو د امنیت اسلامي سازمان (IFSO) سره د همغږۍ غونډې ترسره کېدل
کابل- د وړي ۳۰مه- ۱۴۰۱
پېښو ته د رسېدو په چارو کې د دولت وزارت، د خوړو د امنیت اسلامي سازمان (IFSO) او د قزاقستان جمهوریت سفارت سره د همغږي غونډې کوربه و، او د طبیعي پېښو له امله زیانمن شویو او اړمنو ته د بشري مرستو په زیاتولو باندې خبرې وشوې.
په دې غونده کې مولوي شرف الدین مسلم، پېښو ته د رسېدو په چارو کې د دولت وزارت مرستیال د خوړو د امنیت اسلامي سازمان ته د ښه راغلاست او مننې ترڅنګ د افغانستان د خلکو د بېوزلۍ، وچکالۍ او د بیځایتوب د ننګونو په اړه وویل: د دې وزارت کړنې غیر سیاسي دي او ټولې کړنې یې بشردوستانه او دټولنې زیانمنونکې طبقې او اړمنو ته رسېدنه ده. همدارنګه هغه زیاته کړه چې د هیواد اوسني وضعیت ته په پام سره اړتیا ده ترڅو د خوړو د امنیت اسلامي سازمان له موږ سره زیاته همکاري وکړي او د پېښو له امله زیانمن شویو ته د رسېدنې او د پېښو په مدیریت کې زموږ ترڅنګ شتون ولري.
ورپسې یرین بی دولت د خوړو د امنیت اسلامي سازمان (IOFS) د پېښو ته د رسېدو په چارو کې د دولت وزارت له بلنې څخه د مننې ترڅنګ د یاد سازمان د کړنو په هکله په خبرو سره وویل: په دی سازمان کې له ۷۵ زیات هیوادونه غړیتوب لري چې په ۲۰۱۱ کال کې په قزاقستان هیواد کې جوړ شوی دی.
هغه زیاته کړه چې موږ د خپلې ژمنې پر بنسټ د اسلامي هیوادونو په کنفرانس کې ۱۷ ټنه اوړه او د اوبو د پاکولو ماشینونه چې هر یو یې د ۲۰ زره لیټره اوبو ظرفیت لري د افغانستان ا.ا سره مرسته کړي دي چې اوس د تورخم او حیرتان بندرونو له لارې کابل ته راوړل کېږي، هغه وویل چې موږ به دبزګرانو سره هم د کرنې په برخه کې د ماشینونو مرسته وکړو.
ښاغلي دولت وویل: موږ د خپلو پنځو موخو پر بنسټ چې یو یې د پېښو مدیریت دی له تاسو سره ډیره همکاري کولای شو. هغه زیاته کړه چې د بشري مرستو د همغږي کولو په توګه د خوړو د امنیت اسلامي سازمان به د دې سازمان د ټولو غړو هیوادونو سره د بېړنیو حالاتو د کړنو په اړه خبرې وکړو. په دې غونډه کې چې د قزاقستان جمهوریت د سفارت مرستیال، مولوي شمس الدین حقیار د نړیوالو اړیکو رییس او ملا جانان سایق د بېرنیو حالاتو د عملیاتو د مرکز رییس شتون درلود، د پېښو ته د رسېدو په چارو کې د دولت وزات مرستیال د خوړو د امنیت اسلامي سازمان رییس او پلاوي څخه په بیړنیو حالاتو کې د وضعیت د مدیریت لپاره له دې وزارت سره د لاډیرې همکاري غوښتونکې شو.
