فاریاب ولایت ته پېښو ته د رسېدو په چارو کې د دولت وزارت د مرستیال سفر؛ ۱۰۰۰ زیانمن شویو او مستحقو کورنیو خوراکي او غیر خوراکي توکي ترلاسه کړل
پشتون کوټ- د وړي ۷مه ۱۴۰۱
محترم مولوي شرف الدین مسلم پېښو ته د رسېدو په چارو کې د دولت وزارت مرستیال، د هیواد شمال ته په خپل سفر کې فاریاب ولایت ته ولاړ او د دولتي ادارو غړو، د یاد ولایت د پېښو سره مبارزې رییس او ورسره پلاوي په ګډون یې په پشتون کوټ ولسوالۍ کې ۱۰۰۰ زیانمن شویو او مستحقو کورنیو ته د خوراکي او غیر خوراکي توکو د وېش لړۍ پیل کړه.
د دغو مرستو د وېش په پروګرام کې، د پېښو وزارت مرستیال د ا.ا.ا د مشرتابه د هیلو په څرګندولو سره د پېښو ته د رسېدو په چارو کې د دولت وزارت د ژمنې پر بنسټ وویل: موږ نن فاریاب ته راغلي یو ترڅو ستاسې ستونزې او ننګونې واورو او هغوۍ ته یو مناسبه حل لاره پیدا کړو.
هغه زیاته کړه: نن ورځ ۱۰۰۰ زیانمن شویو او مستحقو کورنیو ته د خوراکي او غیر خوراکي توکو د وېش لړۍ پیل کېږي، چه د هرې کورنۍ ونډه له دغو مرستو څخه یوه بورۍ اوړه ۵۰ کیلویي، ماش او د مایع ګاز دۍ چې هغوۍ ته به ووېشل شي.
د یادونې وړ ده چې پېښو ته د رسېدو په چارو کې د دولت وزارت مرستیال د خلکو ستونزو اوریدو او هغوۍ ته د رسېدنې په پار بلخ، جوزجان، سرپل او فاریاب ولایتونو څخه لیدنه کړې او د خوراکي او غیر خوراکي توکو د وېش لړۍ یې هغوۍ ته پیل کړي ده.
