په کابل کې ۲۰۰ زیانمنو او بېوزله کورنیو خوراکي مرستې ترلاسه کړې
کابل _ د کب ۲- ۱۴۰۰
پېښو ته د رسېدو په چارو کې د دولت وزارت، نن ورځ په کابل کې ۲۰۰ بېځایه شویو، زیانمن شویو او بېوزله کورنیو ته خوراکي مرستې ووېشلې.
محمد نسیم حقاني د اطلاعاتو او عامه اړیکو رییس، د دغو مرستو د وېش بهیر شفافه وباله او ټینګار یې وکړ چې دغه بهیر لاهم دوام لري.
ښاغلي حقاني زیاته کړه چې په دغو مرستو کې ۵۰ کیلو وریجې، ۵۰ کیلو غنم او یوه خوراکي کڅوړه شامل دي چې مستحقینو ته ووېشل شول، ورته مهال د دغو مرستو ترلاسه کونکو د خوښۍ احساس څرګند کړ او د دغه بهیر د دوام غوښتونکي شول.
د یادونې وړ ده چې په تېرو دوه اونیو کې نږدې درې زره کورنیو دغه مرستې ترلاسه کړي دي.
