خبرداری!
د اعتبار وخت: د کب ۲۰مې څخه تر ۲۱مې 1399 هجري لمریز کال
د هوا پیژندنې ریاست د وړاندوینو پر بنسټ، په بدخشان، تخار، کندز، سمنگان، بلخ، سرپل، غور، بامیان، پروان، پنجشیر، کاپیسا، نورستان، کنر، لغمان، ننګرهار، لوګر، پکتیا، خوست، پکتیکا او د سالنګونو په شمول په یاد ولایتونو کې د ناڅاپه سیلابونو سره د واورې او نسبتا شدید باران احتمال شتون لري، چې په مختلفو ځایونو کې د باران اندازه د (۱۰ څخه تر ۲۵) ملي متر ترمېنځ وړاندوینه کېږي.
له همدې امله، د یادو ولایتونو ټولو معززو اوسېدونکو څخه غوښتنه کیږي چې د پېښو سره د مبارزې ولایتي کمېټې د لارښوونو په مطابق چې مخکې د دې کمېټې لخوا د یادو ولایتونو اوسېدونکو ته یادونه شوی عمل وکړي، او د سیندونو غاړو ته دې له نږدې کېدو څخه په جدي توګه ډډه وکړي.
