د کندهار له والي سره لیدنه
کندهار - مرغومی1- 1399
ښاغلي غلام بهاوالدین جیلاني پېښو ته د رسېدو په چارو کې د دولت وزیر کندهار ولایت ته د سفر پر مهال له حیات الله حیات د کندهار ولایت والي سره لیدنه او خبرې وکړې.
ښاغلي غلام بهاوالدین جیلاني پېښو ته د رسېدو په چارو کې د دولت وزیر وویل، د افغانستان اسلامي جمهوریت ولسمشر جلالتمآب محمد اشرف غني او د ولسمشر لومړي مرستیال او د پېښو سره د مبارزې دولتي عالي کمېسیون رییس جلالتمآب امرالله صالح د لارښوونې پر بنسټ یې کندهار ولایت ته سفر کړی، تر څو د طبیعي او غیر طبیعي پېښو له امله د بې ځایه شویو او متضررو کورنیو ته د رسیدګي ترڅنګ ځانګړې اضطراري مرستي توزیع او د خطرونو د راکمولو په اړه واضح پلان ترتیب کړم.
وروسته د کندهار والي د خپلو خبرو پر مهال د طبیعي او غیر طبیعي پېښو له امله د بې ځایه شوو او زیانمنو کورنیو ستونزې او اندېښنو په اړه خبرې وکړې او د لا ډېري بودجې او امکاناتو غوښتنه یې وکړه، ترڅو د هغو کورنیو لپاره هم لازمي مرستې په نظر کي ونیول شي، چې طبیعي او غیر طبیعي پېښو له کبله یې کورونه قسمي او یا په بشپړه توګه تخریب شوي و.
ښاغلي حیات وویل بېښو ته د رسېدو په چارو کې د دولت وزارت بیځایه شوو او زیانمنو ته اړینه رسېدنه کړې خو هغه کورنې چې د ارغنداب ولسوالۍ څخه بیځای شوي دي بیړنیو بشري مرستو ته اړتیا لري.
ورته مهال پېښو ته د رسېدو په چارو کې د دولت وزیر وویل چې دا مرستې بسنه نکوي, د اړتیاو په مطابق به لا زیاتې مرستې ترسره شي ترڅو ټولو بيځایه شوو ته اړینه رسېدنه وشي.
