۵۰ زیانمنو کورنیو ته په فاریاب ولایت کې د کورونو ترمیم لپاره نغدي مرستې ووېشل شوې
د اکټیډ موسسې له پېښو سره د مبارزې آمادګۍ ملي ادارې سره د لاسلیک کړي هوکړه لیک له مخې, نن ورځ, د فاریاب ولایت له پېښو سره د مبارزې آمادګۍ ریاست په همکارۍ, په دولت آباد ولسوالۍ کې ۵۰ کورنیو ته چې کورونه یې د سېلابونو له امله ویجاړ شوي و, د سرپناه ترمیم لپاره نغدي مرستې ووېشلې.
د یادونې وړ ده چې, دا لړۍ په درې پړاوونو کې وه, چې هرې کورنۍ ته په لومړي قسط کې ۱۸۸۸۰ افغانۍ ووېشل شوې او دوه نور قسطونه به یې وروسته ووېشل شي.
۱۴۴۶/۰۴/۲۰
له پېښو سره د مبارزې آمادګۍ ملي اداره
