۲۱۹ سېلاب ځپلو کورنیو په میدان وردګ ولایت کې خوراکي، غیرخوراکي او نغدي مرستې ترلاسه کړې
میدان وردګ- د زمري ۱۴مه-۱۴۰۲
د IOM ،WFP ، DRC او UNICEF موسسو د میدان وردګ ولایت پېښو سره د مبارزې ریاست سره په همغږي، د یاد ولایت په جلرېز، نرخ، چک، دایمیرداد، جغتو ولسوالیو او مرکز میدان ښار کې ۲۱۹ کورنیو ته چې د وروستیو سیلابونو له امله په نیمه او بشپړډول زیانمنې شوي وې، له سروې وروسته خوراکي، غیرخوراکي او نغدي مرستې ووېشلې.
په دې مرستو کې هرې کورنۍ ته ۲۰۰ کیلو اوړه، ۲۰ لیټره غوړي، ۲۵ کیلو دالنخود، ۲ کیلو مالګه، ۱ باب خیمه، ۳ تختې کمپلې، ۲۱ قلمه توکي درلودنکی د پخلنځي ۱ کېټ، ۱۶ قلمه توکي درلودنکی ۱ شلټر کېټ، ۲ سولري څراغونه، ۱ دانه فرش او ۱۴۰۰۰ افغانۍ ووېشل شوې.
