۲په میدان وردګ ولایت کې د سېلابونو له امله د بندې شوې لار د خلاصولو پروژه پیل شوه.
میدان وردګ- د زمري ۱۷مه-۱۴۰۲
پېښو ته د رسېدو په چارو کې د دولت وزارت په لارښوونه د میدان وردګ ولایت په دایمیرداد ولسوالۍ کې بند شوي سړک پروژه د هیلو ترست (ماین پاکی) مؤسسې په مالي ملاتړ پیل شوه.
دغه سړک چې د وروستيو سېلابونو له امله په بشپړ ډول بند شوی وو، اوس یې د خلاصېدو چارې پیل چې په دوه میاشتو کې به بشپړې شي.
د دایمیرداد ولسوالۍ د د طویکې په سیمه کې سېلابونو سرک په بشپړ ډول ویجاړ کړی او د سیند مخه یې هم ډپ کړې وه، چې خلک له ګڼو ستونزو سره مخ وو.
د یادې پروژې په بشپړېدو سره به د سیند مخه د پخوا په شان خلاصه او سرک به په اساسي ډول ورغول شي.
