په پنجشېر ولایت کې کرنیزې ځمکې د اوبو د لوړېدو او ناڅاپي سېلابونو له احتمالي خطرونو څخه وژغورل شوې
د پنجشیر ولایت له پېښو سره د مبارزې آمادګۍ ریاست، د یاد ولایت رخه ولسوالۍ د درخېل او قابضان کلیو د اوسېدونکو سره په همکارۍ د پنجشیر عمومي سیند او د یادو کلیو د سیلاب هغه لارې پاکې کړې، چې د روان کال د سېلابونو له امله بندې شوې وې.
یادې سیمې، چې د تېرو سېلابونو له امله د ِچکړو په راټولېدو سره د احتمالي سېلابونو او د پنجشیر سیند د اوبو د لوړېدو له خطر سره مخ وې، اوس مهال په بېړني ډول د یو سکواټور ماشین په وسیله پاکې شوې، ترڅو په لنډمهاله توګه د اوبو لوړېدو له خطر څخه خوندي پاتې شي.
نېټه:۱۴۴۶/۸/۲۴
له پېښو سره د مبارزې آمادګۍ ملي اداره
