په هلمند ولایت کې ناچاوده توکي کشف او خنثی کړل شول
د هلمند ولایت له پېښو سره د مبارزې آمادګۍ ریاست د AREA ماین پاکۍ مؤسسې د QRT-11 تخنيکي ټيم په ملاتړ، یو عدد S8 اتیا ملي متره مرمۍ, یو عدد د هاوان مرمۍ, یو عدد SK5 مرمۍ او څو نور چاودېدونکي توکي د یاد ولایت په بېلابېلو ولسوالیو کې کشف او په نهر سراج ولسوالۍکې یې په خوندي توګه لمنځه یووړل.
د یادونې وړ ده، چې د هېواد په بېلابېلو ولایتونو کې له جګړې پاتې د ماینونو او ناچاوده توکو د پاکولو لړۍ دوام لري ترڅو د تلفاتو او خساراتو مخنیوی او پر وړاندې یې د خلکو د پوهاوي کچه لوړه شي.
همداراز, د هلمند ولایت له پېښو سره د مبارزې آمادګۍ ریاست له خلکو غوښتي, چې د هر ډول مشکوک يا چاودېدونکو توکو د لیدو په صورت کې، ژر تر ژره له اړوندو مسؤلينو سره اړيکه ونيسي، تر څو د خنثی کولو لپاره یې اړين اقدامات ترسره شي.
نېټه: ۱۴۴۶/۱۱/۲۰ هــ ق
له پېښو سره د مبارزې آمادګۍ ملي اداره
