په بغلان ولایت کې ۵۱۶ سېلاب ځپلو کورنیو خوراکي، غیرخوراکي او نغدي مرستې ترلاسه کړې
بغلان- د غبرګولي ۱۲مه-۱۴۰۳
د بغلان ولایت پېښو سره د مبارزې ریاست د IOM, ASIO, UNICEF, Acted, DACAR او AKAH موسسو سره په همکاري او همغږي، د یاد ولایت پل حصار، ده صلاح، دوشي، ډنډ غوري ولسوالیو او مرکز پلخمري ښار اړوند ۵۱۶ کورنیو ته چې د وروستیو سېلابونو او بارانونو له امله زیانمې شوي وې، له سروې وروسته خوراکي، غیرخوراکي او نغدي مرستې ووېشلې.
د مرستو د وېش په دې لړۍ کې هرې کورنۍ ته ۲۲۴۵۰ افغانۍ، ۳ تختې کمپلې، د پخلنځي ۱ کېټ، ۸ بورۍ اوړه، ۱۸ لیټره غوړي، ۲۴ کیلو دالنخود، ۲ کیلو د تقویې بسکېټ، ۲ کیلو مالګه او یو شمېر نور اړین توکي ووېشل شول.
