ننګرهار ولایت پیښو پر وړاندي چمتووالي رئیس د اکتید مؤسسی مسؤل سره په خپل کاري دفتر کي ولیدل.
ننګرهار ، دوشنبه ۲ شعبان ۱۴۴۵
ننګرهار ولایت پيښو پر وړاندي چمتووالي ریاست رئیس مولوي سیف الله خالد د ننګرهار څانګي اکتید مؤسسي مسؤل انجنیر شفیق یوسفي سره همغږي ناسته ترسره کړه.
د یادي ناستي په ترڅ کي ښاغلي یوسفي د خپلی ترسره کیدونکو پروژو په اړه وویل چي اکتید مؤسسه فعلاً ننګرهار ولایت پیښو پر وړاندي چمتووالی ریاست په همغږي په ۵ برخو کي پروژي لري چي عبارت دي له د کور جوړوني، غریبو فامیلونو سره ژمني مرسته، د کار په مقابل کي د پیسو ورکړي پروګرام، غریبو فامیلونو سره د مختلفو موخو لپاره مرسته او ضرورتونو په نښه کولو پروژه.
د ښاغلي یوسفي په وینا فعلاً یادي پروژی په ښه شکل جریان لري او کوښښ کیږي چي په خپل وخت اړمنو کورنیو سره مرستي ترسره شي.
ورپسي پیښو پر وړاندي چمتووالي ریاست رئیس د اکتید مؤسسي مسؤل ته د منني ترڅنګ د هر راز لازمي همکاري ډاډ ورکړ او د نورو پروژو په اخیستلو يي ټینګار ترسره کړ.
