له پېښو سره د مبارزې آمادګۍ ملي ادارې سرپرست په تورخم کې د دې ادارې اړوند د کډوالو په پنډغالي کې د ۱۳ کاري کمېټو څخه راپور واخیست
نن د جمعې ورځ، د سهار په ۶:۳۰ بجې، له پېښو سره د مبارزې آمادګۍ ملي ادارې سرپرست الحاج ملا نورالدین ترابي، د تورخم په پنډغالي کې چې د دې ادارې لخوا د جبري راستنېدونکو لپاره جوړ شوی، د یاد کمپ له ۱۳ کاري کمېټو سره غونډه وکړه او د هغوی دتیري ورځي کاري راپورونه واورېدل.
ترابي صاحب, د هرې کمیټې له مسؤلینو څخه هغوی ته د سپارل شوو دندو په اړه پوښتنې وکړې، او په جلا جلا توګه یې د هغوی راپورونه واورېدل او زیاته یې کړه چې, زه به تاسو ته اړینې آسانتیاوې برابرې کړم څو تاسې کډوالو ته لا ډېر خدمت وکړئ.
همداراز، د ادارې سرپرست له پېښو سره د مبارزې آمادګۍ ملي ادارې د کمیټو د مسؤلینو او د کارکوونکي کاري بهیر ګړندي کولو ته وهڅول او هغوی ته یې اړینې سپارښتنې او لارښوونې وکړې.
نېټه: ۱۴۴۶/۱۰/۲۰ هــ ق
له پېښو سره د مبارزې آمادګۍ ملي اداره
