له پېښو سره د مبارزې آمادګۍ ملي ادارې سرپرست د افغان پراختیایی خیریه لویې مؤسیسې د رئیس سره د ۳,۸۴,۹۵۰ (دري لکه څلور اتیا زره او نهه سوه یو پنځوس ) ډالرو په ارزښت تفاهم نامه لاسلیک سوه
نن ورځ دوشنبه، له پېښو سره د مبارزې آمادګۍ ملي ادارې سرپرست الحاج ملا نورالدین ترابي د افغان پراختیایی خیریه لویې مؤسیسې د رئیس عبیدالله همت او د اړیکو مسؤل انعام الله ارمان سره په خپل کاري دفتر کي وکتل.
ترابي صاحب راغلي پلاوي ته ښه راغلاست ووایه او دیادې مؤسیسې څخه یی مننه وکړه چي زیانمنو کورنیو ته مرستي رسوي او تل باید کوښښ وسي چي ژمنۍ مرستي ونه ځنډول سي.
همدا راز ترابي صاحب زیاته کړل چي موږ هڅه کوو چي مؤسیساتو ته اسانتیاوي رامنځ ته کړو او مؤسیسات هم باید په خپلو کارو کي شفافیت راولي او مرستي پر وخت تر زیانمنو خلګو ورسوي.
د افغان پراختیایی خیریه لویې مؤسیسې د رئیس عبیدالله همت دیادي ادارې د سرپرست څخه مننه وکړه چي تل یی زموږ سره همکاري کړي ده او موږ به یادي مرستي ژر تر ژره ورسوو.
دیادوني وړه چي د یادې تفاهم نامې له مخي به یې په بدخشان ولایت کي هغو ۹۴۳ بي وزلو کورنیو ته چي د ژمي لپاره د سون مواد او ګرمي جامې نلری هرې کورنی ته به ۲۷۴ امریکایی ډالره او یا د هغه معادل افغانی نغدي ورکول.
② هغو ۹۴۳ بي وزلو کورنیو ته د کمپلو ویشل؛ چي هرې کورنی ته به ۵ تختې کمپلي چی یوه تخته یې دوه نفرې او ۴ تختي نوری یې یو نفره دي ورکړل شي چي د هري بستي ارزښت ۵۷ امریکایی دالره ده.
نیټه: ۱۴۴۶/۸/۴ هــ ق
له پېښو سره د مبارزې آمادګۍ ملي اداره
