له پیښو سره د مبارزې آمادګۍ ملي ادارې په کابل ولایت کي د ۵۰۰ سیلاب ځپلو کورنیو سره د خوراکي او غیر خوراکي توکو مرسته وکړه
نن ورځ یک شنبه، له پیښو سره د مبارزې آمادګۍ سرپرست الحاج ملا نورالدین ترابي د یوې غونډي په ترڅ کي چي د اضطرار رئیس محترم قاری خوشحال د کابل ولایت له پیښو سره د مبارزې امادګۍ رئیس محترم مولوی نجیب انوری او د ښه ګاونډیانو نړیوالي مؤسیسې رئیس نقیب الله هم ګډون درلود ۵۰۰ سیلاب ځپلو کورنیو ته خوراکي او غیرخوراکي توکي وویشل.
د یادي ادارې سرپرست ترابي صاحب وویل چي زموږ په هیواد کي زیات خلګ طبیعي د او غیر طبیعي پیښو ځپلي دي چي یوه برخه یی هم سیلاب ځپلي کورنۍ دي چي په تیرو ورځو کي مو د کابل ولایت د ۹ ناحیې او بیلابیلو ساحو د سیلاب ځپلو کورنیو څخه سروې کړي ده چي نن مرسته ورسره کوو.
همدارنګه ترابي صاحب وویل چي نن ورځ هري کورنۍ ته یو راشن مواد چي یو پارسل ۲۵ کیلو ورجي، یو پارسل ۵۰ کیلو اوړه او د ښه ګاونډیتوب نړیوالي مؤسیسې لخوا یو کیټ، چي ۱۶ قلمه د کوچنیانو د اغوستو ژمنی توکي شامل دي، مرسته وشول.
سیلاب ځپلو کورنیو له پیښو سره د مبارزې آمادګۍ ملي ادارې څخه ځانګړي مننه وکړه چي تل یی پر وخت مرسته ورسره کړي ده اوهمیش یی د زیانمنو کورنیو سره د خوراکي او غیر خوراکي توکو مرسته کړي ده.
نیټه: ۱۴۴۶/۴/۲۴ هــ ق
له پیښو سره دمبارزې آمادګۍ ملي اداره
