له پیښو سره د مبارزې آمادګۍ ملي ادارې سرپرست د مهاجرت نړیوال سازمان IOM د پلاوي سره وکتل
نن ورځ دو شنبه له پیښو سره د مبارزې آمادګۍ ملې ادارې سرپرست الحاج ملا نورالدین ترابي د مهاجرت نړیوال سازمان دبیړنیو مرستو د پروګرام مسؤله اغلي غدا برکت او د اړیکو مسؤل محمد سلیم خالد سره په خپل کاري دفتر کي وکتل.
ترابي صاحب د IOM نړیوال سازمان راغلي پلاوي ته د ښه راغلاست ترڅنګ وویل چي خوښ یو چي مؤسیسات د اولس لپاره د بهر هیوادونو څخه راځي او پرمستحقو کسانو مرستي ویشي او د دې سازمان د ټول کاري ټیم څخه یی دهمیشنۍ همکارۍ مننه وکړه چي په سختو شرایطو کي زموږ د زوریدلي اولس سره همکاري کړي ده.
او زیاته یې کړل چي د بغلان په ولایت خلګ سیلابونو زیات زیانمن کړي دي او باید زیاته توجو ورته وسي.
د مهاجرت نړیوال سازمان د پروګرامونو مسؤلي اغلي غدا برکت د یادي اداري د سرپرست څخه مننه وکړه او وویل چي د دې ادارۍ له لوري به تل موږ د زیانمن سوو افغان اولس سره مرسته وکړو.
همدارنګه اغلي برکت وویل چي موږ په تیرو میاشتو کي سروې کړي ده چي ورسته مو دغه زیانمني کورنۍ انتخاب کړلي چي له دې ورسته به بیاهم تخنیکي سروې وکړو.
د یادوني وړ ده چي د یوه مکتوب په اساس چي چي له پیښو سره د مبارزې آمادګۍ ملي ادارې لخوا ورکول کیږي د بغلان ولایت په جدید بغلان، برکه او دوشي ولسوالیو کي د سیلاب ځپلو کورنیو لپاره د کورنو د ترمیم او دکورنو د جوړیدو لپاره نغدي مرسته کوي چي ټوټل ۵۰۰ کورونه دي چي ۱۰۰ نوي کورونه په برکه ولسوالۍ کي جوړوي.
نیټه: ۱۴۴۶/۴/۲۵ هــ ق
له پیښو سره د مبارزې آمادګۍ ملي اداره
