د کونړ ولایت په ډیوهګل دره کې ۳۰۰ زلزلهځپلو کورنیو ته غیرخوراکي مرستې ووېشل شوې
د کونړ ولایت له پېښو سره د مبارزې آمادګۍ ریاست او د کار او ټولنیزو چارو ریاست ګډې کمېټې د خیرالامه مؤسسې په ملاتړ، د څوکۍ ولسوالۍ د دیوهګل درې د اندر لچک کلي ۳۰۰ زلزله ځپلوکورنیو ته غیرخوراکي مرستې ووېشلې.
د کونړ ولایت له پېښو سره د مبارزې آمادګۍ رئیس مولوي محمد مبین عمر مفتون وویل، چې په دې مرستو کې, د هرې کورنۍ لپاره یوه تخته توشک، یوه تخته بړستن، یو تخته پلاستیکي فرش او یو د اوبو ترموز شامل دي او د سیمه ییزو مسؤلینو په شتون کې پر اړمنو کورنیو ووېشل شوې.
په همدې مهال، د دغو مرستو ترلاسه کوونکو د یادې ادارې او د اسلامي امارت له مسؤلینو مننه وکړه او د دوی لپاره یې د خیر دعا وکړه.
نېټه: ۱۴۴۷/۰۳/۱۳ هـ ق
له پېښو سره د مبارزې آمادګۍ ملي اداره
