د کندهار ولایت له پېښو سره د مبارزې آمادګۍ ریاست ۲۳ زیانمنو کورنیو ته خوراکي، غیر خوراکي او نغدي مرستې ووېشلې
د کندهار ولایت له پېښو سره د مبارزې آمادګۍ رياست د یاد ولايت په مرکز او بېلابېلو ولسواليو کې ۲۳ زیانمنو شویو کورنيو ته خوراکي، غير خوراکي او نغدي مرستې ووېشلې.
په دې لړۍ کې د مسؤلینو په شتون کې، ۲۰ زیانمنو شویو کورنیو هرې یوې ته ۵۰ کیلو غنم، ۵۰ کیلو وریجې، ۳ تختې کمپلې، ٢ جوړې چپلکې او یوې کورنۍ ته چې کور یې په بشپړه توګه ویجاړ شوی وو، یو باب خېمه هم ووېشل شوه. همدارنګه د ټپيانو ٣ کورنیو هرې یوې ته ١٠،٠٠٠ افغانۍ ووېشل شوې، چې په ټوله کې د ټپيانو لپاره ٣٠،٠٠٠ افغانۍ ځانګړې شوې وې.
نېټه: ١٤٤٦/١٢/۸ هـ ق
له پېښو سره د مبارزې آمادګۍ ملي اداره
