د کندز ولایت له پېښو سره د مبارزې آمادګۍ ریاست ۳۴۹ اړمنو کورنیو ته نغدي مرستې ووېشلې

له پېښو سره د مبارزې آمادګۍ ملي ادارې او د ژغورنې نړیوالې کمېټې (IRC) ترمنځ د لاسلیک شوي هوکړه لیک پر بنسټ، د کندز ولایت له پېښو سره د مبارزې آمادګۍ ریاست د یادې کمېټې په مالي ملاتړ، له سروې وروسته د دې ولایت په مرکز کې ۳۴۹ اړمنو کورنیو ته نغدي مرستې ووېشلې.
په دې لړۍ کې، د مسوولینو په شتون کې هرې کورنۍ ته ٣٠٠٠ افغانۍ د شپږم پړاو په توګه ووېشل شوې. یادو کورنیو له دې وړاندې د پنځو پړاوونو  مرستې ترلاسه کړې وې او یوازې د دوو نورو پړاوونو مرستې پاتې دي.
همدارنګه؛ د نغدي پیسو مرستې به ٩٥١ کورنیو ته په راتلونکو ورځو کې ووېشل شي.

نېټه: ١٤٤٦/٩/٢٦ ه. ق
له پېښو سره د مبارزې آمادګۍ ملي اداره