د کندز ولایت له پېښو سره د مبارزې آمادګۍ ریاست ۱۰ زیانمنو کورنیو ته خوراکي او غیرخوراکي مرستې ووېشلې
د کندز ولایت له پېښو سره د مبارزې آمادګۍ ریاست د IOM, WFP او UNICEF سازمانونو په ملاتړ، ۱۰ کورنیو ته چې د یاد ولایت په خان آباد ولسوالۍ او مرکز کې د بارانونو له امله زیانمنې شوې وې، له سروې وروسته خوراکي او غیرخوراکي مرستې ووېشلې.
په دې لړۍ کې د مسؤلینو په شتون کې هرې کورنۍ ته د خوړو نړیوال سازمان لخوا ۲۰۰ کیلو اوړه، ۲۰ لیټره غوړي، ۲۵ کیلو دال، ۲ کیلو مالګه، ۳ کیلو پلمپي، ۶ کیلو سوپر سریل، ۴.۲ کیلو بسکوټ، د IOM سازمان لخوا د پخلنځي توکي، ۲ عدده سولري څراغونه، په بشپړ ډول زیانمنې شوې هرې کورنۍ ته یو باب خیمه، د UNICEF سازمان لخوا یوه بسته حفظ الصحه او له پېښو سره د مبارزې آمادګۍ ریاست لخوا ۳ تختې کمپلې ووېشل شوې.
نېټه:۱۴۴۶/۱۰/۷
له پېښو سره د مبارزې آمادګۍ ملي اداره
