د کابل ولایت په ګلدرې ولسوالۍ کې د استنادي دېوال جوړونې کار بشپړ او ګټې اخیستنې ته وسپارل شو
د کابل ولایت له پېښو سره د مبارزې آمادګۍ ریاست د دې ولایت د ګلدرې ولسوالۍ په ده عربانو کلي کې یو استنادي دیوال ټولټال د اته سوه او څلویښت زره او پنځه سوه او اوه دیرش ( ۸۴۰،۵۳۷ ) افغانیو په ارزښت د ۷۵ مترو په اوږدوالي، ۱.۸۰ سانتي مترو سور او ۳.۸۰ سانتي مترو په لوړوالي سره ګټې اخیستنې ته وسپاره.
یاد استنادي دیوال د کابل ولایت له پېښو سره د مبارزې آمادګۍ ریاست رئیس محترم الحاج مولوي نجیب الله انوري، د یادې ولسوالۍ د محترم ولسوال، د کلیو د محترمو مشرانو، مخورو سپین ږیرو او ځوانانو په شتون کې ګټې اخیستنې ته وسپارل شو.
له پېښو سره د مبارزې آمادګۍ محترم رئیس؛ د یادې پروژې د اهمیت په اړه هراړخیزې خبرې وکړې او له سیمه ییزو اوسېدونکو څخه یې د هغې د ښې ساتنې غوښتنه وکړه، همدارنګه ځایي وګړو د دې پروې د بشپړېدو له امله خوښي څرګنده کړه، او له اړوندو مسؤلینو څخه یې مننه او قدردانی وکړ.
د یادونې وړ ده، چې د یاد استنادي دیوال په جوړېدو سره یو جامع مسجد او د دې ولسوالۍ ۵ کلي د سېلابونو له احتمالي زیانونو څخه وژغورل شول.
نېټه: ۱۴۴۷/۵/۲۷ هـ ق
له پېښو سره د مبارزې آمادګۍ ملي اداره
