د کابل ولایت له پېښو سره د مبارزې آمادګۍ ریاست په ۲۰۳ زیانمنو کورنیو باندې په خاک جبار ولسوالۍ کې خوراکي او غیر خوراکي مرستې ووېشلې
د کابل ولایت له پېښو سره د مبارزې آمادګۍ ریاست، د یاد ولایت په خاک جبار ولسوالۍ کې، د تېرو مرستو په دوام په ۲۰۳ اړمنو او زیانمنو کورنیو باندې خوراکي او غیر خوراکي مرستې ووېشلې.
د یادونې وړ ده چې له دغو ۲۰۳ کورنیو څخه یې ۱۵۳ کورنۍ د طبیعي پېښو له امله زیانمنې شوې وې او ۵۰ نورې یې اړمنې کورنۍ وې، چې یاد شمېر کورنیو ته خوراکي او غیر خوراکي مرستې ووېشل شوې.
په دغه لړۍ کې هرې کورنۍ ته یوه ۵۰ کیلویي بورۍ اوړه، ۲۵ کیلو وریجې، د ۱۴ قلمه توکو یو روغتیایي کېټ، یوه چریکي بستره او یوه تخته کمپله ووېشل شوه.
د مرستو د وېش پرمهال، د کابل ولایت پېښو ته رسېدنې آمر وویل چې الله (ج) د موږ او تاسې ټول له طبیعي پېښو څخه خوندي ولري.
د یادونې وړ ده چې د مرستو تر لاسه کوونکو د دې مرستو له وېش څخه د مننې او قدرداني تر څنګ مسؤلینو ته له دې امله چې دوی تل له خلکو سره مرستې کوي ورته د خیر دعا وکړه.
نیټه: ۱۴۴۶/۶/۱۶
له پېښو سره د مبارزې آمادګۍ ملي اداره
