د هرات ولایت

له پېښو سره د مبارزې آمادګۍ ملي ادارې ولایتي ریاستونه، په ولایتي کچه د دې ادارې اجرایي بازو ګڼل کېږي، او د طبیعي او غیر طبیعي پېښو په وړاندې د وقایې، چمتووالي، ځواب وینې او بیا رغونې د پروګرامونو او تګلارو د پلي کېدو په برخه کې اساسي رول لري. دا ریاستونه له پېښو سره د مبارزې آمادګۍ ملي ادارې د قوانینو او تګلارو پر بنسټ، د پېښو د خطرونو د مدیریت اړوندو فعالیتونو د همغږۍ مسؤلیت لري. ولایتي ریاستونه د سیمه‌ییزو چارواکو، شوراګانو او د ملي او نړیوالو بنسټونو سره په نږدې همکارۍ هڅه کوي تر څو د ټولنو زیانمنتیا راکمه کړي او د پېښو پر وړاندې سیمه ییزې وړتیاوې پیاوړې کړي.

د ولایتي ریاستونو موخې
1. د ولایتونو په کچه له پېښو سره د مبارزې آمادګۍ ملي ادارې د پروګرامونو او پروژو په اغېزناکه توګه پلي کول.
2. له پېښو سره د مبارزې او د خطرونو د کمولو لپاره د سیمه ییزو ټولنو چمتووالی لوړول.
3. د بشري مرستو همغږي کول او د پېښو رامنځته کېدو پر مهال بېړنۍ ځواب وینه.
4. له سیمه ییزو چارواکو، دولتي او غیردولتي او ټولنیزو بنسټونو سره د همکاریو پیاوړي کول.
5. د ولایتونو په کچه د پروګرامونو او پروژو د پلي کېدو د بهیر څارنه او ارزونه کول.
6. د وقایوي پروژو او بیارغونې لپاره د سیمه ییزو او نړیوالو ملاتړونو جلبول.

د  هرات  ولایت  له پېښو سره د مبارزې آمادګۍ ریاست
فعالیتونو او لاسته راوړنې: 
(د 1404 د لمړی ربع راپور)

د ریاست مسوول:       الحاج مولوی محمد موسی اشعری          
د اړیکې شمیره:            0788015336     
ایمیل:                          herat@andma.gov.af          

         
ژوندلیک:   
محترم الحاج مولوی محمد موسی اشعري د حاجی محمد کریم زوی د هرات ولایت د ګلران ولسوالۍ اوسېدونکی دی لومړنی دیني زده کړې یې د ایران هېواد په دیني مدرسو کې ترسره کړې دي او وروسته یې د یو څه وخت لپاره د دیني زده کړو په موخه کندهار، هلمند او د پاکستان هېواد ته سفرونه کړي دي، له فتحې څخه مخکې یې په جهادي برخه کې مهم رول لوبولی دی او له فتحې وروسته د ګلران ولسوالۍ د ولسوال په توګه دنده ترسره کړې ده، چې له هغې وروسته د هرات ولایت له پېښو سره د مبارزې آمادګۍ ملي ادراې د رئیس په توګه دنده ترسره کوي.   

د ریاست موقعیت:          هرات - کندهار سرک، د ملت باغ ته نږدی
په نقشه کې موقعیت: