د ننګرهار ولایت له پېښو سره د مبارزې آمادګۍ ریاست ۵۵ کسانو ته د کار په بدل کې نغدي پیسې ووېشلې
د ننګرهار ولایت له پېښو سره د مبارزې آمادګۍ ریاست د DRC موسسې په مالي ملاتړ، ۵۵ کسانو ته د یاد ولایت حصارک ولسوالۍ په معین خېل کلي کې د یو کانال جوړولو چارو له بشپړولو وروسته نغدي پیسې ووېشل شوې.
په دې لړۍ کې یاد شمېر کاریګرو ۲۶ ورځې کار ترسره کړ او هر کاریګر ته له ۳۵۰ نه تر ۱۶۰۰ افغانۍ او په مجموعي توګه ۵۱۷۹۵۰ افغانۍ نغدي پیسې ووېشل شوې.
د یادونې وړ ده چې یاد ریاست د دغه کانال له چارو په دوامداره توګه څارنه کړې او کیفیت ته یې په جدي توګه پاملرنه شوې.
نېټه:۱۴۴۶/۶/۲
له پېښو سره د مبارزې آمادګۍ ملي اداره
