د ننګرهار ولایت له پېښو سره د مبارزې آمادګۍ ریاست ۳۹۸ مستحقو کورنیو ته نغدي مرستې ووېشلې
له پېښو سره د مبارزې آمادګۍ ادارې او د ژغورنې نړیوالې کمېټې (IRC) ترمنځ د لاسلیک شوي هوکړهلیک له مخې، د ننګرهار ولایت له پېښو سره د مبارزې آمادګۍ ریاست د یادې مؤسسې په همکارۍ، د دې ولایت د چپرهار ولسوالۍ ۳۹۸ مستحقو کورنیو ته نغدي مرستې ووېشلې.
په دې لړۍ کې، د مسؤلینو په شتون کې هرې کورنۍ ته ۱۱,۳۰۰ افغانۍ ووېشل شوې، چې په ټولیز ډول څلور میلیونه او څلور لکه او اووه نوي زره او څلور سوه (۴,۴۹۷,۴۰۰) افغانۍ د یاد شمېر کورنیو لپاره ځانګړې شوې وې.
د یادونې وړ ده، چې د دې پروژې د پلي کېدو له پیل څخه تر اوسه پورې ۱,۱۱۳ مستحقو کورنیو ته نغدي مرستې وېشل شوې دي، چې ټولیز ارزښت یې دولس میلیونه او پنځه لکه او شپږ اویا زره او نه سوه (۱۲,۵۷۶,۹۰۰) افغانۍ کېږي.
نېټه: ۱۴۴۷/۱/۰۷ هـ ق
له پېښو سره د مبارزې آمادګۍ اداره
