د ننګرهار ولایت له پېښو سره د مبارزې آمادګۍ ریاست ۲۰۰ زلزله ځپلو کورنیو ته خوراکي مرستې ووېشلې
د ننګرهار ولایت له پېښو سره د مبارزې آمادګۍ ریاست د خوړو نړیوال پروګرام (WFP) په مالي ملاتړ, د دې ولایت دره نور ولسوالۍ اړوند مچګنډول، ستن او بمبه کوټ کلیو کې د وروستیو زلزلو له امله ۲۰۰ زیانمنو کورنیو ته د یوې میاشتې لپاره خوراکي مرستې ووېشلې.
د مرستو په دې لړۍ کې هرې کورنۍ ته د مسؤلینو په شتون کې ۱۰۰ کیلو اوړه، ۹.۱ کیلو غوړي، ۱ کیلو مالګه او ۱۲.۵ کیلو دال ووېشل شول.
د مرستو ترلاسه کوونکو کورنیو له پېښو سره د مبارزې آمادګۍ ریاست او WFP څخه مننه وکړه او خوښي یې څرګنده کړه چې په خپل وخت یې دوی ته رسېدنه وکړه.
نېټه: ۱۴۴۷/۰۳/۱۵ هـ ق
له پېښو سره د مبارزې آمادګۍ ملي اداره
