د غور ولایت له پېښو سره د مبارزې امادګۍ ریاست ۲۵۰ وچکالۍ ځپلو کورنیو ته خوراکي مرستې ووېشلې
د غور ولایت له پېښو سره د مبارزې آمادګۍ ریاست، د دغه ولایت په مرکز کې هغو ۲۵۰ کورنیو ته چې د وچکالۍ له امله زیانمنې شوې وې، د خوراکي مرستو د وېش لړۍ پیل کړه.
په دې بهیر کې، د مسئولینو په شتون کې، هرې کورنۍ ته ۵۰ کیلو غنم او ۵ کیلو بوره ووېشل شوه.
د مرسته ترلاسه کوونکو کورنیو د دې اقدام له امله مننه او قدرداني وکړه او د غور ولایت له پېښو سره د مبارزې آمادګۍ ریاست له لوري د اړمنو کورنیو وضعیت ته د پاملرنې او د مرستو پر وخت وېش وستایه. هغوی همدارنګه د ملاتړ د ورته پروګرامونو د دوام غوښتنه وکړه.
