د دایکندي ولایت له پېښو سره د مبارزې آمادګۍ ریاست په پاتو ولسوالۍ کې د دوو پُلچکونو د جوړېدو کار پیل کړ
د دایکندي ولایت له پېښو سره د مبارزې آمادګۍ ریاست، د پاتو ولسوالۍ د فتحزی او وگیر کلیو لپاره د دوو پُلچکونو د جوړېدو چارې, د دایکندي ولایت د مقام مرستیال، د سیمه ییزو ادارو رئیسانو، د سیمې مشرانو او د رسنیو په ګډون, د یو لړ مراسمو په ترڅ کې پیل کړې.
د ولایت مقام مرستیال, محترم حاجي مولوي احسانالله رحمتیار، دغه پروژه د عامه هوساینې او د زیانمنتیا د کمولو په لور یو مهم ګام وباله او له پېښو سره د مبارزې آمادګۍ ریاست هڅې یې وستایلې.
همداراز، له پېښو سره د مبارزې آمادګۍ رئیس, محترم حاجي مولوي حبیبالله رهنما، د دې بیړنۍ پروژې د پرانیستنې په مراسمو کې وویل, چې دا پروژه د عالیقدر امیرالمؤمنین د لارښوونې له مخې او د دې ادارې د پلان پر بنسټ پلي کېږي او تمه ده چې دا پروژه به د دوو میاشتو په موده کې بشپړه شي.
د یادونې وړ ده چې د فتحزی کلي پُلچک ۵ متره اوږدوالی لري، او د وگیر کلي پُلچک ۴ متره اوږدوالی لري، چې دواړه ۳.۶ متره پلنوالی او ۲ متره لوړوالی لري. د دغو دوو پُلچکونو ټول لګښت له یو میلیون افغانیو څخه زیات دی.
نېټه: ۱۴۴۶/۱۲/۲۲ هـ ق
له پېښو سره د مبارزې آمادګۍ ملي اداره
