د خوست ولایتي شورا رئیس او غړو سره پېښو ته د رسیدو په چارو کې د دولت وزیر لیدنه
![خوست](/sites/default/files/2020-07/11_0.jpg)
ښاغلي غلام بهاوالدین جیلاني، پېښو ته د رسیدو په چارو کې د دولت وزیر خوست ولایت ته د خپل سفر په لړ کې د خوست ولایتي شورا رئیس ښاغلي کفیل ریحان سره وکتل.
پدې ناسته کې د دولت او ملت تر منځ د باور او همغږۍ فضا پیاوړي کولو، د پېښو مدیریت، د خوست ولایت اوسیدونکو ستونزې او یو شمیر نور مهم مسایل تر بحث لاندې ونیول شول.
پېښو ته د رسیدو په چارو کې د دولت وزیر په دغه ولایت کې د کلیو په کچه د داوطلب ټیمونو پر جوړولو ټینګار وکړ، او د خوست ولایتي شورا رئیس او غړو ته یې ډاډ ورکړ چې د پېښو مدیریت په برخه کې به د دوی ستونزې د حکومت مشرتابه سره شریکې کړي.
![12](/sites/default/files/inline-images/12_0.jpg)