د جوزجان ولایت له پېښو سره د مبارزې آمادګۍ ریاست ۳۷۲ اجباري راستنېدونکو کډوالو کورنیو ته خوراکي مرستې ووېشلې
د جوزجان ولایت له پېښو سره د مبارزې آمادګۍ ریاست, د ۷۴۵ کورنیو لپاره چې په اجباري توګه له ایران او پاکستان څخه راستانه شوې دي, د خوراکي مرستو د وېش لړۍ پیل کړې ده.
د یادونې وړ ده, چې د دې لړۍ په لومړۍ او دویمه ورځ له یادې جملې ۳۷۲ کورنیو هرې یوې ته د مسؤلینو په شتون کې ۵۰ کیلو اوړه او ۲۵ کیلو وریجې ووېشل شوې او ټاکل شوې چې دا لړۍ به تر راتلونکو ورځو پورې ۷۴۵ کورنیو ته د مرستو د وېش تر بشپړېدو دوام ومومي.
باید وویل شي چې پر دې سربېره, ۳ نورو کورنیو ته چې د طبیعي پېښو له امله زیانمنې شوې وې, هرې کورنۍ ته ۵۰ کیلو اوړه, ۲۵ کیلو وریجې, ۱۰ لیټره غوړي, ۱ تخته کمپله او ۱ د اوبو سطل ووېشل شول.
نېټه: ۱۴۴۶/۱۱/۱۶ هــ ق
له پېښو سره د مبارزې آمادګۍ ملي اداره
