د بدخشان ولایت له پېښو سره د مبارزې آمادګۍ ریاست ۲۳ زیانمنو کورنیو ته خوراکي او غیرخوراکي مرستې ووېشلې
د بدخشان ولایت له پېښو سره د مبارزې آمادګۍ ریاست، د میشنایسټ مؤسسې او د هستوګنې لپاره د آغاخان بنسټ (AKAH) په همکارۍ، د جرم ولسوالۍ د خستک کلي هغو ۲۳ کورنیو ته چې د وروستیو سېلابونو له امله زیانمنې شوې وې، خوراکي او غیرخوراکي مرستې ووېشلې.
د دې بهیر په ترڅ کې، د مسؤلینو په شتون کې د هستوګنې لپاره د آغاخان بنسټ له لوري هرې کورنۍ ته ۸ بورۍ ۲۵ کیلویي اوړه، یو کارتن ۱۸.۵ لېټره غوړي، ۴۲ عدده غنيشوي بسکېټونه، ۲ کیلو مالګه او ۴ پاکټه دال او د میشنایسټ مؤسسې له لوري هرې کورنۍ ته د پخلنځي یوه بسته او د ماشومانو یوه بسته ووېشل شوه. سربېره پر دې، هغو ۶ کورنیو ته چې کورونه یې په بشپړه توګه ویجاړ شوي وو، هرې کورنۍ ته یوه خیمه هم ووېشل شوه.
نېټه:۱۴۴۷/۱۲/۲۲ هـ ق
له پېښو سره د مبارزې آمادګۍ اداره
