د افغانستان د ماین‌پاکۍ پروګرام (MAPA) د ذینفعانو غونډه ترسره شوه

د افغانستان د ماین‌پاکۍ پروګرام (MAPA), له پېښو سره د مبارزې آمادګۍ ملي ادارې د ماین پاکۍ د انسجام او همغږۍ ریاست (DMAC)، د ماین‌پاکۍ تخنیکي مرکز (MATC)، UNMAS، یوناما (UNAMA)، اجرایي شریکانو او نورو مهمو ذینفعانو د لوړپوړو استازو په شتون کې، د MAPA د کنفرانس په تالار کې غونډه ترسره کړه.
دا غونډه د ماین منع کولو او د اجرا کولو په برخه کې د پرمختګ د تړون په چوکاټ کې د افغانستان د ژمنتیاوو، د ماین‌پاکۍ د روانو او راتلونکو پروګرامونو لپاره د مالي سرچینو برابرولو، د سرچینو راټولو د ستراتیژیو او د ۲۰۲۵–۲۰۲۶ کلونو لپاره د ځمکو د خلاصون د کلني کاري پلان موضوعاتو ته ځانګړې شوې وه.
همدارنګه، اجرایي شریکانو د MAPA په چوکاټ کې د خپلو فعالیتونو، ننګونو او همکاريو په اړه نوي معلومات وړاندې کړل.
د یادونې وړ ده، چې دغه غونډه د ذینفعانو ترمنځ د دوامداره همکارۍ او شفافو اړیکو پر اهمیت د ټینګار سره د ماین پاکۍ په برخه کې ملي او نړیوالو موخو ته د ژمنتیا لپاره یو اغېزمن ګام ګڼل کېږي.

نېټه: ۱۴۴۶/۱۱/۰۴ هـ.ق
له پیښو سره د مبارزې آمادګۍ ملي آمادګۍ اداره