د ارزګان ولایت له پېښو سره د مبارزې آمادګۍ ریاست ۲۳۳ مستحقو کورنیو نغدي مرستې ووېشلې
له پېښو سره د مبارزې آمادګۍ ادارې او د RRAA موسسې ترمنځ د لاسلیک شوي هوکړه لیک له مخې، د ارزګان ولایت له پېښو سره د مبارزې آمادګۍ ریاست د یادې موسسې په همکارۍ، د دې ولایت په مرکز ترینکوټ کې ۲۳۳ مستحقو کورنیو ته نغدي مرستې ووېشلې.
په دې بهیر کې، د مسؤلینو په شتون کې هرې کورنۍ ته ۱۰٫۸۰۰ افغانۍ ووېشل شوې، چې په ټولیز ډول دوه میلیونه او پنځه لکه او شپاړس زره او څلور سوه (۲٫۵۱۶٫۴۰۰) افغانۍ نغدي پیسې ووېشل شوې.
د مرستو ترلاسه کوونکو له پېښو سره د مبارزې آمادګۍ ریاست او RRAA موسسې څخه د مرستو پر وخت د وېش په پار مننه او قدرداني وکړه.
