په پکتیکا کې ۳۹۵٬۷۰۰ متره مربع ځمکه له ناچاوده توکو پاکه شوه
د پکتیکا ولایت له پېښو سره د مبارزې آمادګۍ ریاست سره د همغږۍ پر بنسټ، د اومر ماینپاکۍ مؤسسې ۱۰ شمېرې ټیم د یاد ولایت په شکین ولسوالۍ کې ۳۹۵٬۷۰۰ متره مربع ځمکه له ناچاوده توکو پاکه کړه.
یاده ساحه چې د تازيخیلو کوټ په سیمه کې موقعیت لري او د BF0004A په شمېره ثبت شوې وه، د ۴۴ ورځو او ۲۶۴ کاري ساعتونو په ترڅ کې پاکه شوه. د پاکولو عملیاتو پر مهال ۱٬۲۸۸ عدده بېلابېل ناچاوده توکي کشف او له منځه یووړل شول، او پاکه شوې ساحه د ګټې اخیستنې لپاره د سیمې مشرانو او د ولسوالۍ مسؤلینو ته وسپارل شوه.
نېټه: ۱۴۴۸/۵/۱۲ هـ ق
له پېښو سره د مبارزې آمادګۍ اداره
