په ننګرهار ولایت کې ۱۰۰ کورنیو غیر خوراکي مرستې ترلاسه کړې
ننګرهار- د زمري ۸مه- ۱۴۰۱
د ننګرهار ولایت پېښو سره د مبارزې ریاست د IOM موسسې سره په همکاري، د یاد ولایت په بټي کوټ ولسوالۍ کې ۱۰۰ کورنیو ته چې د طبیعي پېښو له امله زیانمنې شوي وې، له سروې وروسته هرې کورنۍ ته غیر خوراکي توکي ووېشل، چې په دې مرستو کې کمپلې، فامیلی کیټ، د کور جوړونې وسایل، خیمه، فرش، ترپال، ګازډبه، سولر ګروپونه او نور توکي شامل دي.
همدارنګه د یاد ولایت پېښو سره د مبارزې ریاست د WFP موسسې سره په همکاري، ۲۰۱ زیانمن شویو کورنیو ته خوراکي مرستې ووېشلې چې ۷۴ کورنۍ د جلال آباد ښار اړوند وې، ۸۵ کورنۍ د بټي کوټ ولسوالۍ او پاتې نورې ۴۴ کورنۍ د کوټ ولسوالۍ اړوند وې.
د یادونې وړ ده چې په دغو مرستو کې هرې کورنۍ ۱۰۰ کیلو اوړه، ۱۰ لیټره غوړي، ۱۲.۵ کیلو دال، د ماشومانو حلوا او بسکیټ ترلاسه کړل.
